2016/07/31

倦眼救星 - SUR PUR三茶激活眼霜

雖然很多朋友都說我的皮膚在生了小朋友後仍能保持緊緻水嫩, 但其實天天睡眠不足, 雙眼一直是重災區, 出賣年齡和狀態的秘密, 尤其生完BB後, 眼部的皺紋更明顯, 所以即使再懶, 對雙眼的護理始終不能怠慢. 早晚塗眼霜以外, 也會配合深層修護眼膜, 眼部精華等重點修護雙眼. 早前就試用了來自瑞士的SUR PUR三茶眼部護理系列, 能對抗肌膚中的游離基, 抗氧化及防止環境對皮膚的侵害.
SUR SUP三茶眼部護理系列分明有滋潤眼霜, 激活眼霜, 緊緻眼部精華, 鎮靜眼膜多款針對修護雙眼的產品. 這次我選了三茶激活眼霜.
SUR PUR 三茶激活眼霜($450/15ml)
主要成份有三茶精華, 番紅花萃取物, 維生素A, 迷迭香萃取液等

能加效減淡皺紋及浮腫, 為乾燥肌膚注入水份, 改善黑眼圈, 同時刺激眼睛周圍的肌膚組織,加強活力, 滋潤疲累的肌膚, 令肌膚如絲絨般柔軟, 飽滿.
瑞士的護膚品一向都是信心和純淨的保證, SUR PUR的產品不含Paraben防腐劑和其他化學成份, 不會對肌膚構成影響和產生副作用.
眼霜的質地是乳霜狀, 並不黏結, 很輕柔易推開, 沒有香料, 只要輕輕按摩就能完全吸收.
把一粒黃豆份量塗於眼底再用輕按方法塗勻, 眼霜很清爽不黏膩, 絕不用擔心太油會令眼周長出油脂粒, 很適合濕熱的春夏季使用.
眼霜針對黑眼圈問題頗有效, 能促進血液循環, 排走毒素, 對於經常睡眠不足的倦眼效果尤其明顯.  
雙眼的修護一定要持之以恆, 亦不是一朝一夕可見成效, 針對性修護眼底皺紋, 黑眼圈和浮腫, 使用一段時間, 眼部肌膚變得更緊緻嫩滑, 效果可媲美大品牌, 配合按摩手勢或眼部按摩棒一起使用, 功效會更事半功倍. 性質温和, 即使敏感肌膚和孕婦也適合使用.
 
~合作邀稿, 文章內容純屬個人分享,並不涉及任何商業成份~
 
聯絡產品試用和活動:
Facebook: Mini Bubble Corner
 
Blogspot❤ ❤The Ztyle❤ ❤She.com❤ ❤weshare❤ ❤Qooza❤
iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet
OpenRice❤ ❤博勢力❤ ❤Chiba78mamibuy 

2016/07/29

[親子] QB簡單快樂一歲生日

 突然又已一年...QB 一歲生日啦~~~~
時間過得好快, 上年我還留在醫院每天忍住傷口痛, 每日龜速咁"懶"去育嬰室餵奶, 當時既QB細細粒, 眼仔都未開, 但就懂捉住我隻手....這隻小手捉下捉下就過了很艱辛的一年. 沒有大肆慶祝, 簡單在家來個小型生日會就好了.
雖然話簡單, 都準備左幾天, 愛下廚兩口子當然要大顯身手一番
有我焗的甩皮甩雞橙香櫻桃雞翼XD
黑松露肉醬薯蓉
工人姐姐做的蝦多士, 連個麵包底都係自己焗的.
最amazing係我自家出品章魚小丸子, 遲D我會再另外分享食譜
蛋糕沒時間自己做, 就在附近餅店訂了個立體melody蛋糕, 都係為了影下相開心下, 咁就三百幾, 幸好味道不錯.
當日出席還有家族中的一堆BB女, I say 1234....未夠... 比夠5個XD, 大家都同在2015年出世, 大個左有伴一齊玩啦..
QB開始幾鐘意影相, 會望鏡同擺下pose, 不過當然都好講心情啦
一家三口合照唔少得, 難得中間個位少女都幾合作, 影幾張就交到功課. Backdrop既淘寶氣球係必備品吧..
仍然是Food Terminator 的QB 一腳就踢爛左個蛋糕既背面...為保住個蛋糕可以靚靚仔仔影完相, 保持距離還是最好.
大家都讚不絕口的還有這個...自家製鮮果雪皅, 用全水果打成, 好健康又唔肥, 仲好好味添. QB都食左唔少.
因為其也朋友不願上鏡, 所以生日會來來去去只有我地3個既相, 哈哈.
一向比較小跟同齡小朋友玩既QB, 初初有點不習慣和抗拒, 慢熱既佢warm up左就好好多, 開始有互動, 之後就好開心好enjoy啦.
生日正日就上了山頂, 因為有3D美術館Trick Eye的試玩券, 就帶人仔上去玩. 難得又無扭計, 玩足全程無喊, 好比面(Trick Eye 相容後另發文分享). 小港女對住塊鏡仲鬼咁開心, 好忘我咁又跳又鍚, 到底佢係以為有另一個BB定太自戀呢?!
又來搶鏡了...好識擺pose, 媽咪甘敗下風.
還有真情流露既合照, 1歲人仔真係好可愛好可愛, 當然都日日無限chur晒我既電啦...
就咁, QB就一歲了, 這一年有笑有淚, 生活既模式180度轉變, 見到佢由只得6磅重, 到依家有米之蓮腿, 肥嘟嘟又精靈, 就知道所有付出是值得的. 希望你繼續每日都咁開心, 咁健康, 咁搗蛋, Happy Birthday my love!
聯絡產品試用和活動:
Blogspot❤ ❤The Ztyle❤ ❤She.com❤ ❤weshare❤ ❤Qooza❤
iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet
OpenRice❤ ❤博勢力❤ ❤Chiba78mamibuy 

2016/07/25

[親子] 11m - 家常便飯變出美味BB食物

常聽一些媽媽說BB吃固體吃得不太好, 不是挑吃, 就是吃得慢, 不專心, 雖然某情度上我也認同BB愛不愛吃有點是天生的(可能QB在我肚裡時時我也沒特別戒口, 所以她也生成一副吃貨咀和胃), 但我還是相信花多點心思在BB的膳食上, 做出變化多端的飯菜, BB會更有與趣進食.

QB踏入11個月後, 基本上很多食物也能吃了, 為了省卻做BB一份, 大人另一份飯菜的工夫, 又無須額外花錢買材料給BB, 吃不完又要掉棄浪費食物, 我就會在日常的飯菜中取出分一點, 不下調味煮給QB吃, 不單簡單快捷, 也令她的膳食開始接近成人的飯菜, 食物的形狀, 種類, 煮法也較多變化, 別以為BB只能吃搗爛的食物就不會挑選, 每次QB看到新奇的菜式也會興奮得原地跳, 十分期待. 以下就介紹幾款算單的BB餐給大家參考.

大人飯: 蝦醬沙葛蒸肉餅
BB飯: 沙葛蒸肉餅配西蘭花飯(肉餅可加少許麻油調味)

大人飯: 苦瓜炒蛋,黑椒馬蹄炒雞柳,炒菜芯
BB飯: 苦瓜炒雞黃蛋(如BB對蛋白沒敏感可炒全蛋)
   馬蹄炒雞柳,蒜蓉炒菜芯(不下鹽)
**做成3餸飯,吃時才混合,會吃到幾個味道,BB更有興趣吃**
大人飯: 蕃茄炒牛肉, 小棠菜豆乾炒雞柳
BB飯: BB芝士蕃茄炒牛肉, 小棠菜豆乾炒雞柳, 紫薯貝殼粉 (用冰湯粒煮)
鮮腐竹菜芯瘦肉飯糰 (用飯團模做型) 

煎黃花魚甘筍白菜菠菜麵
**用新鮮黃花魚, 用薑片慢火煎香, 小心去骨**
**除了三文魚, 紅衫魚和黃花魚也很適合BB吃, 因幼骨不多, 肉質亦很稔滑**

白汁南瓜雞肉四季豆紅米飯
**南瓜蓉加少許鮮奶或人奶一起煮, 會更creamy, 味道更好**
**紅米飯可以煮爛一點, 因比較粗糙**

平時煮麵我都會用自家製湯粒做湯底, 其實只是平日我們煲家常老火湯(不下鹽)時取少少製冰, 煮麵, 字母粉, 烏冬, 餃子等都可以加幾塊一起煮, 味道好好多. 一般家常的瓜菜肉湯, 魚湯, 雞湯我都會做, 但葯材湯就暫時不要用, 怕BB體質受不到.

給BB做飯是一種樂趣, 見QB吃得開心, 我也更有動力做更多有益有好味的食物呀. BB雖然還不懂表逹, 但他們看到顏色鮮豔或特別的食物也能刺激吃的慾望的. 除了炸的食物沒有給BB, 煎炒蒸焗都會做, 調味暫時不下鹽和鹹味的醬料, 但為免味道太寡, 很多時就加幾滴麻油吊味, QB十分喜歡的.
聯絡產品試用和活動:
Blogspot❤ ❤The Ztyle❤ ❤She.com❤ ❤weshare❤ ❤Qooza❤
iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet
OpenRice❤ ❤博勢力❤ ❤Chiba78mamibuy 

2016/07/20

ibility飾物DIY 文青心思之選

一向都好喜歡DIY, 烹飪, 做蛋糕, 插花, 我都算有點天份, 唯獨是編織縫紉我就經常弄得一團糟, 不過有時侯想表逹小心意, 自己親手編織小飾物送給朋友, 收到時一定比起買成品來得珍貴. 幸好, 手殘如我也找到簡易版DIY手帶, 跟着教學指示, 1小時就做好, 好玩有滿足感, 還能襯衫, 送給朋友也很有心思.
說的是本地新晉時裝品牌 ibility 推出的多款男、女裝飾物 DIY 禮盒.  ibility在 2013 年由 Rose Lee 所創辦,品牌設計多款女裝、童裝及飾物,設 計優雅而細膩。勾織更是 ibility 的一大特徵,透過混合各地傳統的勾織手法和精細工藝,與現代時尚設計無縫結合,品牌希望以當代語言來重新演繹出傳統工藝的精髓.
DIY 禮盒分為不同難度,而且盒內附有詳細的說明書,亦有網上短片教學, 即使沒有什麼勾織經驗也能輕易完成.
這次我選了花型勾織手鍊 DIY 禮盒(HK$359) , 有黑白兩種顏色選擇. 夏天襯衫我還是喜歡潔淨的白色.
禮盒內附有手蠅一條, 銀牌, 織花和珍珠吊飾, 還有一些小配件.
工具方便也很齊全, 附有木製勾針, 飾物箝, 膠水等, 隨時隨地都可動手DIY.
說明書圖文並茅, 易學易明, 只要跟着做, 很輕易就能完成手帶編織
最後掛上附送的吊飾和扣子, 一條清雅美美的手帶就完成, 製作時間大約1小時左右, 既特別又能在製作過程中放鬆心情, 是很好的減壓方法呢.
十分有仙氣的白色勾織手帶, 亦很容易配襯, 這個夏天大熱雪紡, 喱士等元素, 配上這手帶十分的漂亮呢.
還有其他款色, 給男士的也有, 中性中亦不失DIY的元素, 十分有心思.
ibility:
太古城中心一期誠品書店 1 L114
H306. 3rd floor. Block B. PMQ Building. 35 Aberdeen Street. Central. Hong Kong
查詢電話: 3590 6390

 
~合作邀稿, 文章內容純屬個人分享,並不涉及任何商業成份~
 
聯絡產品試用和活動:
Blogspot❤ ❤The Ztyle❤ ❤She.com❤ ❤weshare❤ ❤Qooza❤
iTrial❤ ❤Elle Blog❤ ❤ My Cossip❤ ❤UBeauty❤ ❤Pixnet
OpenRice❤ ❤博勢力❤ ❤Chiba78mamibuy