2017/07/17

[親子] 第一次去E3 Club Playland

平時帶QB去室內遊戲室放電, 多數會選康文署的免費遊戲室, 一來免費, 二來近近地又方便, 不過隨着QB長大, 遊戲室的設施開始滿足不了她, 市面上也有不少收費室內遊戲室, 設施配套多, 也能兼顧不同年齡層的小朋友玩樂放電. 前幾天因爸爸突然收到2張免費門券得番幾日到期, 即興約埋朋友仔一齊去.


今次揀了比較近我地既愉景新城店, 聽聞九龍灣店好正, 但對元朗人來說實在太遠, 反正都係玩, 近近地都可以啦. 位於商塲3樓, 我地2:30到逹, 已經很多人了. 入塲每人都有一條手帶以作識別. 之前去過尖沙咀I Square店出席活動, 相對地荃灣這個塲真係細好多, 不過應有的設施都有齊.

QB第一時間衝入波波池, 剛病癒不久, 還是比較易攰, 在波波池玩這一刻是最精神笑容最甜美了.

波波池都算幾大, 通往上層是一個煮飯仔區, 另外通過這條走廊就是一條又長又快的滑梯, QB好小心翼翼走了過去後望到極速的滑梯就不敢再行前, 即使我說抱着她sir也不肯, 實在太膽小了XD..


煮飯仔是全日她最愛的項目, 來回玩了2-3次
"食物"都跌滿一地, 走路時要小心一點, 而且有小朋友難免會有爭玩具, 碰撞的情況, 父母還是要好好看管自己的兒童. 

QB好開心地煮, 再放好給媽媽, 我當然也要興高彩烈接過來她才滿意
虛擬進食, 你一啖我一啖, 扮食還流露一副很好味既樣子, 看來我也要快點買一座煮飯仔套裝給她了. 

塲中間有一個大的廣塲, 有多輛車仔給小朋友玩, 亦有個跳舞池和舞台.


不知是否上星期睇完反斗車王3, QB突然愛上車車, 見到車車即急不及待去坐

好似渣得有板有眼

超認真駕駛的樣子, 扭軚姿態正確, 果然係有女車神潛質

還不時左望右望, 好像真的在駕駛呢XD

近入口處有個大型積木池
文靜派的QB還是喜歡自己安靜的玩

機械人和太空區比較適合男孩子
另外亦有吹氣彈床, 人家彈個不亦樂乎, QB似乎感興趣..... 望only! 況且以她的慢動作, 我不敢給她進去跳, 因為實在容易給其他小孩撞跌. 彈床邊有職員維持秩序, 每次只能3個人進去, 限時1分鐘.

我地持的是日票的贈券, 足足玩了1.5小時, QB早就已疲態畢現, 十分夠喉了. 如果想平平地玩, 可以$60/45分鐘體驗價玩, 日票就$130 (11am-6pm) . 例牌入塲要除鞋, 大人小朋友都要着襪才能進塲. 
Facebook: https://www.facebook.com/pg/E3Club/

聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤Pixnet❤ ❤The Ztyle❤ ❤She.com❤ ❤weshare
Qooza❤ ❤UBeauty❤ ❤Beauty Exchange❤ ❤博勢力
Esdlife❤ ❤ chef-diary❤ ❤OpenRice❤ ❤mamibuy❤ ❤ubaby

沒有留言:

張貼留言