2016/11/30

[試用]CRISTAL蒸焗爐~鮮味花雕蛋白蒸蟹

工欲善其事, 必先利其器; 要煮出美味菜式, 少不了一些廚房好幫手. 相信每位一家之"煮"的廚房都放滿各式各樣的煮食器具, 弄得廚房的空間越來越少, 今次我介紹這部煮食神器, 是近年十分流行的蒸焗爐. 來自意大利品牌CRISTAL的座枱式蒸焗爐, 不單結合蒸煮, 還有燒烤, 熱風烤焗, 蒸焗混合, 解凍, 保温, 消毒於一身, 甚至可用作麵包發酵, 甜品烘培, 炆, 燉皆可, 預設15款烹調模式, 一機多功能, 識用真係好好用. 

2016/11/29

[食譜] 榨菜豆醬玉子豆腐

我們一家都是豆腐控, 任何豆類既副食品都係至愛, 但同樣叫豆腐, 玉子豆腐就應該沒有豆腐成份, 不過清淡帶蛋香, 滑嘟嘟的一樣好好味. 但講到煮法, 就有點難倒我, 所以吃的機會也不多. 這種食材夠晒經濟實惠, 又唔太heavy, 其實都好岩on diet既人食. 今次發揮少少創意, 在家中找到包榨菜, 雪櫃有一塊腩肉, 一於加點豆卜來炒, 調味則用上甜麵醬, 味道和配搭出奇的match. 

2016/11/28

[美食] 忘不了的美味

人家說曾麻醉過會很善忘, 人生中試過兩次麻醉, 沒什麼大不了, 倒是記性差了是親身實證的. 尤其這一年, 健忘的情況實在很嚴重, 前幾天才收起了的一封信, 三天後可以完全忘記放在那裡, 我實在懷疑自己老了會不會有腦退化, 只記得遠的事, 而不記得近的人...

善忘到連本身訂了枱食飯, 也記錯了日子...還跟老公說訂了某天, 原來是翌日...到底是我訂枱時口快快說錯日期, 還是真的記錯, 自己也搞不清楚, 總之來到心鉄板燒就是搞錯了日期, 知道時心中一沉, 還在想要是沒有位臨時吃什麼好.... 幸好, 經理仍能為我們安排座位, 才不致於白走一趟, 敗興而回.


[食譜] 柱侯炆牛肋條

天氣凍, 特別想食暖笠笠既煲仔菜, 家中的鑄鐵鍋都好耐無出塲, 今次快速炆個柱侯牛肋條, 比牛腩快稔, 價錢又相對實惠, 只要個幾兩個鐘就可以炆到好稔好入味, 用來送飯一流.

2016/11/25

[美髮] 產後脫髮不再怕~ Magic Lab 駁髮神器

生完小朋友, 有一段時間甩頭髮的情況很嚴重, 每次洗頭後整個浴缸都是頭髮, 塲面嚇人,雖然這階段只維持個多月, 但新陳代謝慢了, 頭髮生長更慢. 以前我的頭髮算是濃密, 但現在就稀疏了很多, 之前朋友介紹Magic Lab這Set洗髮護髮系列是駁髮神器, 能加快頭髮生長速度, 相信對我產後脫髮嚴重會有幫助. 

2016/11/22

[美食] 食得好爽既無骨雞翼包 ~ Couple &The Bao

成日覺得自己住係元朗, 有新食店一定要先試為快, 但實際卻又因為住得近, 有時遇着要等或排的情況, 就會立即打退堂鼓, 萌生擇日再來的念頭. 這跟住得越近越會遲到一樣, 所以, 直至朋友也山長水遠入來試了, 我還未試的事經常發生. 其中一間是這早前在報章雜誌有不少介紹的Couple & The Bao. 

2016/11/21

[育兒]全職媽媽- 給我選再一次, 還是值得

QB轉眼間已15個月, 同時意味着我也做了15個月的全職媽媽. 

2016/11/19

[美食] 小食家進攻日式居酒屋

為了培養新一代吃貨, 我是盡可能出去吃飯都會先想想能否帶BB一起出動, 當然有些地方不太適合, 就只有擱置. 一歲人仔來講, QB不只局限去打正親子旗號的餐廳, 韓烤, 火鍋, 日式居酒屋, 什麼都去過, 連龍蝦也吃過, 這個阿媽也真夠freestyle, 但這倒令她對吃很有興趣, 亦開始識食, 看來我的食家"幼訓"計劃已得到初步成功. 

2016/11/18

[親子] <大樹先生的家> 性價比不高, 一次就夠了

終於, 終於都去了大樹先生的家....聽講Book位都要Book好耐, 所以選擇了平日去...

2016/11/16

[食譜] 派對小食- 意粉pizza

食Pizza食得有點悶, 食意粉又好似好普通, 不如黎個Crossover意粉Pizza,  二合為一. 其實麵底有點似中式雙面黃, 面層仍是Pizza的擺法和材料, 當然也可以自創獨特的口味, 將會有不少節日, 這個菜式也可作為一中一個派對小食.

2016/11/12

[食譜] 麻辣雞煲

天氣涼涼地, 又係食麻辣雞煲既好時機啦, 出街食固然正,不過有時太辣, 有時又唔夠辣, 自己整就容易控制辣度, 做法又簡單, 食完後加湯就可以打埋邊爐, 冬天一家人圍爐食真係好温馨好開心. 好多朋友鐘意食芝士雞窩,我今次都加左少許, 芝士狂當然可以加到拉絲,但我唔想芝士味蓋過辣味, 所以只落左少許就算了. 

[湯水] 川貝鱷魚肉止咳湯

天氣終於涼了, 而且一下子就得十幾度, 少點抵抗力都會頂唔住病倒. 前一陣子氣管敏感, 咳到肋骨痛(到現在還未好>_<) 那咳到有點透不過氣的感覺太差勁, 又不想不停靠吃藥, 人也很累, 唯有靠食療去紓緩. 川貝一向都是止咳的佳品, 今次加入同樣對氣管很有舒緩作用的乾鱷魚肉一起燉, 沒有苦澀味, 味道很清醇, 出奇地喝過幾次就好了7成, 另一輔助品是早晚吃川貝枇杷膏, 雙管齊下, 很快就止咳了. 

2016/11/10

[育兒] 呵護BB幼滑肌~ Nivea Baby低敏紓緩護膚用品

Nivea可說是由細用到大的品牌, 價廉物美, 由中學時代已開始用Nivea的護膚露了; QB只有一歲多, 已十分貪靚, 經常看着媽媽護膚化妝, 我亦從少就為她呵護幼嫩肌膚, 選擇最温和不刺激的護理用品, Nivea推出全新的嬰兒皮膚護理系列, 均由皮膚科醫生驗證和合作研發, 低敏配方, 以後各媽媽為小朋友呵護肌膚又多一個好選擇了. 

[美食] 喜出望外的燒肉放題

日式放題吃得不少, 一般都不會留下太深刻印象, 多數是食物質素不過不失, 而且地方較狹迫, 坐得不舒適, 人手亦不足, 漏單情況接二連三出現, 不過凡事有例外, 試過炉端金的午市放題後, 實在念念不忘, 不論環境, 食物, 服務和時間也令我和老公很滿意, 午市價錢還很抵食, 朋友問我有什麼好的放題介紹, 我也會即時想起和推介這裡.

2016/11/08

[親子]三個小B去野餐

這篇純粹貼相, 因買了新相機, 急不及待要試試(雖然不太懂用)..今次相約2個朋友仔一齊去佐敦谷公園野餐, 我還是第一次去呢, 地方雖有點遠, 不過公園很新簇, 佔地又大又空曠, 真的好適合小朋友放電. 

2016/11/06

[食評] 人氣Tiramisu軟雪糕

之前見不少食友都一窩風在社交平台post了Kiss the Tiramisu的雪糕, 看似幾吸引, 反正近近地在屯門, 在家去也不過半小時左右, 星期日就推着BB一齊去行街順手試下. 

2016/11/05

[食譜] 焗抹茶芝士蛋糕

好耐無做過芝士蛋糕了, 不過QB近來對天天吃自家製麵飽有點厭倦, 為了BB食得開心, 這次就做個簡單的焗芝士蛋糕, 加入抹茶粉, 減點糖, 味道同樣很好, 又健康一點.

2016/11/04

[活動] 法國總統牌牛油麵包烘焙工作坊

對於整麵包我實在是初哥, 平時只懂用麵包機做簡單的麵包. 上星期有幸獲法國總統牌President邀請出席麵包工作坊, 跟大師學做鬆軟香甜的法式橙飽, 從中偷師學習一些基本技巧, 好玩又獲益良多. 

2016/11/02

[活動] 消滅致敏塵蟎~ Electrolux Ergorapido Bed Pro Power 三合一吸塵機

每天我們最少花8小時在床上睡眠, 但你有否想過這最舒適的時間, 陪伴你入睡的可能是數以萬計的小昆蟲- 塵蟎. 這些細小的昆蟲, 正是導致氣管和鼻敏感的主要原兇, 要除塵蟎清潔床褥未必要特意買一部除塵蟎機, 現在連吸塵機都可做到. Electrolux Ergorapido 3合1無線吸塵機, 在原有的設計上多加一項新的功能 - Bed Pro Power, 針對清潔床褥, 枕頭, 除塵蟎, 毛髮, 輕鬆打造無塵家居. 

2016/11/01

[食譜] 陳皮鴨腿湯飯

一向對鴨都有點抗拒, 因為總覺得帶有羶味, 不過家中那位卻對陳皮鴨腳湯飯情有獨鐘, 這款食品感覺很老一輩, 也不是很多地方可以吃到(亦未必煮得好吃), 今次我就挑戰難度, 自己試試做. 用的是一般的雪藏鴨, 由於找不到淨鴨腿賣, 唯有整隻鴨煮. 

[塲地參觀] 都市中的秘密花園~ClubONE愉花園

結婚是人生大事, 現在的新人籌備婚禮實在不是一件簡單的事, 由塲地, prewedding, 禮服, 化妝, 出門, 註冊等等, 要準備的事真的很多, 一天的婚禮, 籌劃時間可以動軋1-2年. 作為過來人, 回想當年最由初亳無頭緒, 然後一步一步搜集資料, 最後婚禮順利完成, 那箇中的點滴也是很珍貴的回憶.