2016/12/24

[親子] 聖誕親子靚相熱點~海港城

有左QB後, 每年的結婚週年紀念就一定係三人行, 今年我地就去左海港城影下聖誕佈置, QB每次都比較慢熱, 起初一定係扭下計同怕陌生,要D時間warm up, 唔知幾時佢先會鐘意同媽咪一齊影相呢? 


今年的雪翁佈置好可愛, 巨型的雪翁係咪雪人加信天翁黎架? 根本係小鳥着左雪人衫, 哈哈

成個塲都係大大小小, 七彩繽紛的雪翁, 任影都得


本來以為QB會幾開心, 見到咁多咁可愛既雪翁, 點知....
依個人仔原來好怕D好巨型既公仔, 一見到已經驚驚扁咀想喊出來..抱近D更抗拒

花了大半個鐘比佢習慣下, 先開始自然番, 識開始玩同好奇咁摸下

佢warm up既時侯, 我自己影番幾張做profile相都好, 曾經何時我都係o靚模黎...那些年囉...


有時侯, 我好想有個專業攝影師朋友幫下手...點解QB爸影出黎同我想像中咁有出入既..(無奈)??!!!

我都係專心幫QB影算啦...

合照好困難呀, 佢望鏡時我就醜怪, 我靚時佢就左望右望..影十幾張先有一張成功的...

都係snap比較好...

遠離左巨型雪翁, 即刻自然番晒...





同媽咪行街街佢最開心, 因為沿途會有人對佢笑, 揮手, 話佢可愛...真係..好..港..女呀!!
LCX入面的佈置佢初時都少少怕, 但心情靚番, 好快又好奇地周圍走周圍睇

見到巨型鹿仔鍚鍚先...

QB最鐘意動物, 真的假的似乎都好受落, 好有愛的小朋友呢XD

鍚完拖完鹿仔, 又突然有D驚驚, 好善變的小朋友...

同小朋友去影下聖誕燈飾, 開下party, 食下大餐, 聖誕簡簡單單過, 但好温馨好滿足. 我最好的聖誕禮物就是你啦QB~ 祝大家聖誕快樂, 小朋友活潑快樂, 身體健康~
聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤Pixnet❤ ❤The Ztyle❤ ❤She.com❤ ❤weshare
Qooza❤ ❤UBeauty❤ ❤Beauty Exchange❤ ❤博勢力
Esdlife❤ ❤ chef-diary❤ ❤OpenRice❤ ❤mamibuy❤ ❤ubaby

沒有留言:

張貼留言